Bota

Vrasja e 17 mln vizonëve nga COVID, 500 traktorë para parlamentit danez


Bëhu pjesë e Grupit Zyrtar të Opinion.al
>> KËTU <<
               Publikuar në : 16:55 - 21/11/20 |
Al Do

Qindra fermerë dhe mbarështues të vizonave kanë parakaluar me traktorët e tyre në Kopenhagen të Danimarkës në shenjë proteste kundër një vendimi nga qeveria e Danimarkës për të eleminuar të gjithë tufën e vizonave të vendit në mënyrë që të ndalohet përhapja e një lloji mutacioni të koronavirusit.

Vizoni ose “mink”, siç quhet në gjuhën vendase, është një kafshë e ngjashme me nuselalat ose qelbësit. Ai ka një gëzof të butë i cili tregëtohet në mbarë botën. Danimarka ka qenë eksportuesi kryesor në botë i gëzofit të vizonit për disa dekada. Ajo përfiton 670 milion euro në vit nga shitja e tij.

Por gjatë pandmisë u zbulua se këto kafshë ishin prekur nga koronavirusi i ri duke formuar një lloj të ri mutacioni i cili mund të transmetohej sërish tek njerëzit.

Qeveria e kryeministres Mette Frederiksen mori vendim për të zhdukur të gjithë tufën e vendit, rreth 17 milionë vizonë, për të eleminuar rrezikun e përhapjes së një mutacioni të koronavirusit.

Qeveria pranoi gjithashtu se vendimi i saj nuk kishte asnjë bazë ligjore për vizonët që nuk ishin të kontaminuar nga Covid-19, duke nxitur kështu pakënaqësi tek mbarështuesit.

Më shumë se 500 traktorë, shumë të zbukuruar me flamurin danez, kaluan zyrat e qeverisë dhe parlamentit, raporton AFP. 400 të tjerë zhvilluan një protestë të ngjashme në qytetin e dytë më të madh të vendit, Aarhus.

Mutacioni i koronavirusit të ri të zbuluar në vizonat danezë që ngriti shqetësime në lidhje me efektivitetin e një vaksine të ardhshme ka të ngjarë të jetë zhdukur, tha të enjten ministria e shëndetësisë në Danimarkë. /Opinion.al

Pas