Bota

Vrasësi qëlloi me të paktën 100 plumba, detaje nga masakra në Teksas


Bëhu pjesë e Grupit Zyrtar të Opinion.al
>> KËTU <<
               Publikuar në : 21:01 - 27/05/22 |
Opi Nion

“Menjëherë e kuptova që kjo ishte e vërtetë. Kur një mësues me një këmishë lejla erdhi për të na thënë se duhej të fshiheshim, ne fikëm dritat, mbyllëm derën, shkuam në pjesën e pasme të klasës dhe u strehuam pas tavolinave. Nëse jemi të sigurt dhe të shëndoshë, kjo është sepse jemi praktikuar shumë në shkollë për emergjenca si kjo.”

Eduard, një djalë tetë vjeçar, i cili i mbijetoi masakrës, tregon këtë histori për CNN. Fëmijët amerikanë, siç kujton Eduardi, që ishin në klasën ngjitur me atë ku qëlloi Ramos, marrin informime dhe simulime për emergjencat si ajo e të martës së kaluar: “Ushtrime të tilla kemi filluar t’i bëjmë që në kopsht”. Por këtë herë ishte “e vërtetë”.

“Ndjeva goditje të forta, ishin vërtet shumë të forta. Më dukej sikur diçka po shpërthente, sikur kishte fishekzjarre. Në fillim i ndjeva sikur të mos ishin shumë larg, pastaj u forcuan, sikur të më ndiqnin mua”. Një përvojë që la gjurmë te Eduardi.

“Të nesërmen kam qenë paksa i frikësuar dhe kam fjetur me mamin dhe babin. Tani më trembin armët, kam frikë se dikush mund të më qëllojë në çdo moment”, përfundon rrëfimin e tij, i veshur me një këmishë jeshile me emblemën e shkollës,në të cilën humbën jetën shumë shokë të tij.

“Vrasësi i masakrës së shkollës fillore në Teksas qëlloi të paktën 100 plumba”, tha në një konferencë shtypi Steven Mçraë, kreu i departamentit të sigurisë publike të Teksasit./Opinion.al

Pas