Aktualitet

Votim e numërim elektronik, KQZ-partive: Sugjeroni zonat ku do aplikohet


Bëhu pjesë e Grupit Zyrtar të Opinion.al
>> KËTU <<
               Publikuar në : 17:15 - 29/12/20 |
Semiljana Azizi

Komisioni Qendror i Zgjedhjeve i ka nisur ditën e sotme një kërkesë partive politike në vend sa i përket zbatimit të teknologjisë (votim dhe numërim elektronik) në zgjedhjet e 25 prillit 2021.

Sipas njoftimit  të KQZ-së, sistemet apo pajisjet teknologjike do të implementohen si projekt pilot, dhe në to nuk do të marrin pjesë jo më shumë se 20% e zgjedhësve.

Sistemet apo pajisjet e teknologjisë së informacionit, që do të përdoren në zgjedhje do të implementohen me projekte pilot, të cilat duhet të përfshijnë jo më shumë se 20% të zgjedhësve, duke filluar nga zgjedhjet e para, pas hyrjes në fuqi të këtij ligji.

Pavarësisht nga ky rregull, në zgjedhjet e para për Kuvendin pas hyrjes në fuqi të këtij ligji, identifikimi elektronik do të shtrihet në 100% të votuesve”, njofton KQZ.

Nëpërmjet kësaj deklarata institucioni i ka bërë me dije partive që të japin sugjerimet e tyre në lidhje me zonat ku dëshirojnë që të aplikohen projektet pilote në zgjedhje, para se KQZ të marrë vendimet përkatëse./Opinion.al

Pas