Aktualitet

Vonesë në pagat e mjekëve dhe infermierëve, QSUT: Kanë kaluar në thesar



Bëhu pjesë e Grupit Zyrtar të Opinion.al
>> KËTU <<
               Publikuar në : 13:47 - 19/01/23 |
Opi Nion

Shoqata e Infermierëve të Shqipërisë ka reaguar në lidhje me vonesën e pagës mujore të dhjetorit.

Ata tregojnë se i janë drejtuar institucioneve të ndryshme por pa marrë përgjigje në javët e para të janarit.

Pavarësisht se është marrë konfirmimi që brenda datës 20 janar rrogat do t’i kalojnë të gjithë personelit, nuk është dhënë një arsye për vonesën e krijuar.

“Ndërsa jemi kontaktuar sot në mëngjes nga mjekë dhe infermierë të spitaleve të ndryshme shtetërore si QSUT, Mbretëresha Geraldinë dhe nga personel i qyteteve të tjera në vend që ende nuk kanë marrë pagën e muajit dhjetor dhe nuk janë thënë arsyet pse paga ende nuk ka kaluar.

Edhe pse disa prej tyre janë drejtuar në institucionet ku punojnë dhe në bankën ku marrin pagën nga askush nuk kanë marrë përgjigje për këtë shqetësim.

Përfaqësuesit e Shoqatës së Infermierëve të Shëndetësisë ndërsa kanë kontaktuar me institucionet përkatëse kanë marrë konfirmimin që brenda ditës së nesërme (datë 20) i gjithë personeli do të marrë pagën e muajit dhjetor (por që nuk u dhanë asnjë arsye për një vonesë kaq të gjatë) kur në kontratë punonjësit e kanë që brenda javës së parë të çdo muaj (disa brenda datës 10) duhet të kenë marrë pagën.

Sërish problemi mbetet vetëm personeli që dhe kur abuzohet dhe u shkelën të drejtat kanë frikë të ngrenë zërin për veten e tyre dhe asnjë sindikatë nuk është në krah të tyre për t’i mbrojtur.

Shoqata e Infermierëve të Shqipërisë do vazhdojë të jetë zëri i personelit Shëndetësor në Shqipëri dhe do jetë krah tyre në çdo situatë.”-shkruan Shoqata e Infermierëve të Shqipërisë.

Sakaq, Qendra Spitalore Universitare Nënë Tereza ka bërë me dije se janë kryer procedurat standarde dhe pagat janë duke u transferuar në llogaritë bankare.

“Drejtoria e Qendrës Spitalore Universitare ‘Nënë Tereza’, informon mediat e interesuara për pagat e personelit shëndetësor dhe atij mbështetës, janë kryer procedurat standarde të pagave, ato kanë kaluar në Thesar dhe janë duke u transferuar në llogaritë bankare personale të personelit”, -shkruan QSUT.

Pas