Aktualitet

Vokshi: Pas zgjedhjeve do hapim procesin e pastrimit të listave të anëtarësisë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:20 - 22/05/22 |
Opi Nion

Anëtarësia e Partisë Demokratike zgjedh sot kreun e ri të PD-së. Në një deklaratë për mediat, Kryetarja e Komisionit të Organizimit dhe Kontrollit të Operacioneve Elektorale, Albana Vokshi , e pyetur nga gazetarët për numrin e anëtarëve të PD tha se nuk di të thotë një numër të saktë pasi listat kanë qenë të fryra.

Vokshi theksoi se menjëherë pas zgjedhjeve të sotme një nga detyrat e para që do kryhen do jetë procesi i disiplinuar i pastrimit të listave dhe pasjen e një liste të saktë.

“Është një punë në progres. Lista me të cilën është punuar është e vetmja listë e plotë e gjetur e 2019. Listat kanë qenë tejet të fryra. Anëtarët kanë votuar me karta të anëtrësisë që ka vijuar në referendum dhe për primare. Kemi vënë në dispozicion listën e 2019, me të gjithë shtesat gjatë votimeve të fundit. Nuk di të them një numër, por do t’iu japim raportin final. Nuk kemi dashur të ndodhë ajo që ka ndodhur herët e tjera, nëse kryetarit nuk i pëlqen t’i hiqet emri nga lista. Më mirë kemi preferuar të mbajmë listat e fryra, që kushdo që paraqitet në qendrën e votimit, të ketë të drejtën të votojë. Menjëherë pas zgjedhjeve të sotme një nga detyrat e para do jetë procesi i disiplinuar i pastrimit të listave dhe pasjen e një liste të saktë. Z. Elezi, përfaqësuesi i tij që në momentin që është regjistruar si kandidat ka pasur akses të plotë te listat. Në database të partisë ka dhe të dhëna personale, pasi kanë firmosur një deklaratë, kanë pasur akses të plotë”, deklaroi Vokshi.

Pas