Një ngjarje e rëndë është regjistruar gjatë natës në lagjen “Uji i Ftohtë”, në Vlorë. Policia bën me dije se është vetëhedhur nga kati i katërt i banesës së pushimit, një vajzë 17-vjeçare.
Mësohet se 17-vjeçarja është transportuar në spitalin e Traumës, Tiranë, për ndihmë të specializuar.
“Më datë 15.07.2022, gjatë natës, në lagjen “Uji i Ftohtë”, Vlorë, dyshohet se është vetëhedhur nga kati i katërt i banesës së pushimit, një shtetase 17 vjeçe, e cila ndodhet në spitalin e Traumës, Tiranë, nën kujdesin e mjekëve”, njofton policia.
Materialet i kaluan Prokurorisë Vlorë, për veprime të mëtejshme.
