Dy persona janë asfiksuar sot brenda një pusi në fshatin Roms të Vlorës.
Një 55-vjeçar dhe një 23-vjeçar po tentonin të riparonin pompën e një pusi, kur nga gazi i ndodhur në pus, ata kanë humbur ndjenjat.
Ata janë parë nga një fëmijë i cili ka lajmëruar të afërmit e tyre. Fatmirësisht ata ishin ende gjallë.
Familjarët i kanë nxjerrë nga pusi dhe janë drejtuar në spitalin rajonal të Vlorës.
Aty dy shtetasit po trajtohen nga personeli shëndetësor, ku njërit prej tyre i nevojitet ende ndihma e oksigjenit, ndërkohë që personi tjetër është përmendur.
