Rajoni

Udhëtoi nga SHBA në Mal të Zi, Emina Çunmulaj: Të votojmë për gjuhën tonë


Bëhu pjesë e Grupit Zyrtar të Opinion.al
>> KËTU <<
               Publikuar në : 18:43 - 30/08/20 |
Al Do

Në Mal të Zi sot janë mbajtur zgjedhjet parlamentare të cilat janë karakterizuar nga një pjesëmarrje e lartë.

Të shumtë kanë qenë edhe ata që janë kthyer nga vende të tjera për të votuar për Parlamentin e ardhshëm të vendit. Një ndër to është edhe modelja e njohur shqiptare, Emina Çunmulaj e cila banon në Los Angeles të SHBA.

Pasi votoi në Ulqin, Çunmulaj bëri thirrje që shqiptarët të votojnë masivisht për të ruajtur mbi të gjitha gjuhën e tyre.

Ajo është shprehur se njeriu mund të shëtisë anembanë botës, por nuk mund të gjejë kurrë si vendin dhe gjuhën e tij.

“Mburrem që kam të drejtë me votuar si shqiptare në Mal të Zi. Mburrem që jam shqiptare prej Malit të Zi, kështu që dua të mburren edhe të gjithë shqiptarët e Malit të Zi. Të bashkohemi me njëri-tjetrin, se pa njëri-tjetrin nuk mundemi kurrsesi. Më kujtohet që kur isha fëmijë, ecja 2 orë në këmbë për të shkuar në shkollë, librat i blinim vetë. Sot nuk është e lehtë të fitohet leku, pandemia, katastrofa nëpër botë. Ne jemi vend i vogël dhe popull i vogël, duhet të ngrihemi për njëri-tjetrin. Ne i themi njëri-tjetrit ‘mirëmëngjes’.

Mos harroni se gjaku nuk është ujë. Shqiptarët duhet të ngrihen, se fëmijët e tyre nuk do të flasin shqip. Unë jam rritur në këto troje, vend më të bukur se Ulqinin nuk kam parë, vij këtu, sepse flitet shqip. Kam qejf kur hyj në doganë dhe flas shqip. Kjo është dicka që s’mund me ta heq kush prej shpirtit. Vajzat e mia nuk e kanë babain shqiptar, por ju flas shqip. Nuk mundemi të harrojmë nga vijmë, të shëtisim në gjithë botën, prapë shqip duhet të flasim. Duhet të votojmë për gjuhën tonë”, ka thënë modelja. /Opinion.al

Pas