Një 40-vjeçar është ndaluar në qytetin e Vlorës pasi dyshohet se ka kryer marrëdhënie seksuale me një 15-vjeçare.
Po ashtu, policia njoftoi se ai po hetohet edhe për veprën penale të “nxitjes për përdorimin e drogës”.
40-vjeçari bashkë me një 33-vjeçar, i cili po hetohet për të njëjtën vepër, dyshohet se ka nxitur 15-vjeçaren dhe dy shoqe të saj, 15 dhe 16 vjeçe për të përdorur lëndë narkotike.
“Specialistët e Seksionit për Hetimin e Narkotikëve të DVP Vlorë ndaluan shtetasin R. R., 40 vjeç, banues në Vlorë, për veprat penale “Marrëdhënia seksuale ose homoseksuale me të mitura” dhe “Nxitja për përdorimin e drogës”, pasi më datë 22.03.2025 dyshohet se ka kryer marrëdhënie seksuale me një 15-vjeçare. Gjithashtu, shtetasi R. R. dyshohet se në bashkëpunim me shtetasin F. Q., 33 vjeç (për të cilin ka nisur procedimi penal për veprën penale “Nxitja për përdorimin e drogës”), ka nxitur 15-vjeçaren dhe dy shoqe të saj, 15 dhe 16 vjeçe, për të përdorur lëndë narkotike”,-njoftoi policia.
