Aktualitet

Vlerësimi i Dvoranit nga SHBA, Balla-Bashës: Je në aleancë me Ilir Metën?


Bëhu pjesë e Grupit Zyrtar të Opinion.al
>> KËTU <<
               Publikuar në : 16:11 - 24/02/21 |
Doriana Çepunaj

Kryetari i grupit parlamentar të Partisë Socialiste, Taulant Balla ka reaguar pas deklaratave të Presidentit Ilir Meta lidhur me vendimin e Departamentit Amerikan të Shtetit për të shpallur Ardian Dvoranin kampion në luftën kundër korrupsionit. Ai  ka thënë se kreu i shtetit është kundër Reformës në Drejtësi.

Më tej, Balla i është drejtuar kreut të opozitës Lulzim Basha, duke i thënë se ku është fshehur pasi ky i fundit nuk e ka përshëndetur vendimin e DASH.

“Që Ilir Meta ka qenë dhe vazhdon të jetë kundër Reformës në Drejtësi, s’ka asnjë dyshim. Por pyetja që pret përgjigje është: Lulzim Basha, Kryetari Partisë Demokratike ku është fshehur? Ku është Luli Basha? Përse nuk e përshëndet Luli Basha vendimin e SHBA për ta shpallur gjyqtarin Ardian Dvorani kampion të luftës kundër korrupsionit? Ku je Lul? Përse fshihesh? Dil dhe përgjigju! Je në një aleancë me Ilir Metën kundër Drejtësisë së re, apo je në krahun e duhur bashkë me SHBA dhe BE për çuarjen përpara të Reformës në Drejtësi? Dil Lulëzim dhe sqaroje me kë je!”, shkruan Balla.

Më herët, reagimin e kryeministrit, Edi Rama për vlerësimin e Ardian Dvoranit nga Departamenti Amerikan i Shtetit, Presidenti Ilir Meta e quajti një fletë lavdërimi që Kreu i qeverisë e nxorri për sukseset e tij./Opinion.al

Pas