Kryeministrja e Serbisë, Ana Bërnabiç do të zhvillojë këtë të hënë një vizitë në Veri të Kosovës. Kjo është vizita e parë që kur është zgjedhur kryeministre. Ajo do të ndalet në Mitrovicë, Zveçan dhe Leposaviç.
Këtë vizitë të Bërnabiç e ka komentuar kryeministri i Kosovës, Albin Kurti. Gjatë një konference për shtyp, Kurti u shpreh se Brnabiç nuk duhet të japë deklarata përçarëse që mund të sjellin tensione dhe destabilizim. Sipas Kurtit kemi nevojë të përqendrohemi tek jeta më e mirë e qytetarëve.
“Shpresoj që edhe vizitat e zyrtarëve pas qarkullimit të lirë të qytetarëve do t’i kontribuojnë lëvizjes së lirë në përgjithësi, po ashtu pres që zonja Bërnabiç të mos e vazhdojë avazin e kryenegociatorit nga Beogradi, i cili jepte deklarata përçarëse, ndarëse që kishte për qëllim tensionimin dhe destabilizimin, kemi nevojë të përqendrohemi tek jeta më e mirë e qytetarëve”, u shpreh Kurti.
