Aktualitet

Viti i Ri/ Qytetarët: Nuk mund të blejmë ato që duhen, jemi në varfëri të plotë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:17 - 26/12/21 |
Opi Nion

Në kohën kur pak ditë na ndajnë nga Nata e Ndërrimit të Viteve, dhe sipas traditës tryeza duhet të jetë e mbushur për të sjellë mbarësi dhe një vit të begatë, qytetarët thonë se nuk po e përballojnë rritjen e çmimeve.

Konsumatorët ndihen të pambrojtur karshi rritjes së çmimeve dhe sidomos rritjes së çmimit të fruta-perimeve. Rritje të lartë të çmimit për kilogram ka njohur edhe Gjeli dhe Pula e Detit, tradicionalët e këtyre festave. Sot 1 kg gjel deti kishte shkuar në 8 000 lekë dhe 1 kg pulë deti ka arritur në 9 000 lekë për kg.

Në një situatë të tillë, qytetarët në Berat thonë se e kanë të pamundur të blejnë të gjitha ato që i duhen një familjeje dhe për këtë arsye kanë blerë vetëm produktet  kryesore.

Qytetarët shprehen se ata janë më të varfër se një vit më parë dhe se çmimet që kanë njohur rritje pak ditë nga Nata e Vitit të Ri janë të papërballueshme për ta.

“Jemi në varfëri të plotë, çmimet sa vijnë dhe rriten dhe kjo ndodh çdo vit për festa. Me të ardhurat që kemi nuk mund ti blejmë dot të gjitha ato që i duhen çdo familje për natën festive të Vitit të Ri. Tavolinat tona këtë vit do të jenë bosh, varfëria është e madhe”-,shprehen qytetarët për abc news.

Nga ana e tyre tregtarët shprehen se nuk janë ata fajtor për rritjen e çmimeve por tregu. Tregtarët pohojnë se rritja e çmimeve e ka ulur mjaft fuqinë blerëse./Opinion.al

Pas