Pawel Adamowicz, kryebashkiaku liberal i qytetit polak Gdansk, ka ndërruar jetë nga plagët e marra pasi u sulmua dhe godit me thikë nga një ish-i dënuar, i cili e sulmoi në skenë, gjatë një prej ngjarjeve më të mëdha bamirëse të Polonisë.
Adamowicz ndodhej pikërisht në skenë përpara mijëra personave kur një 27 vjeçar iu afrua duke patur me vete një leje speciale për gazetarë, dhe më pas iu sul me një thikë, duke i shkaktuar plagë vdekjeprurëse në gjoks.
Arsyet e gjestit kriminal që ka shokuar gjithë opinionin publik u shpjeguan më pas nga atentatori. I riu rrëfeu që sipas tij ishte arrestuar padrejtësisht pikërisht kur në pushtet ndodhej partia e kryebashkiakut. Sulmuesi u identifikua nga autoritetet polake si një 27-vjeçar i quajtur Stefan, i cili u lirua muajin e kaluar nga burgu ku ai kishte qëndruar për rreth 5 vite, për një dënim të vitit 2014 për tentativë për grabitje bankare.
Adamowicz ishte i njohur në Poloni për qasjen e tij liberale, në favor të minoriteteve dhe emigrantëve, duke u përplasur shpesh herë për këto çështje me qeverinë e djathte të presidentit Andrzej Duda.
Mijëra njerëz u mblodhën në qytetet polake për të mbajtur zi për vdekjen e Adamowicz, i cili kishte qenë kryebashkiak i Gdansk për 20 vjet dhe shquhej për parime liberale, duke përfshirë strehimin e emigrantëve në kundërshtim me qeverinë konservatore nacionaliste të Polonisë.
“Nuk mundëm të fitonim”, tha ministri i Shëndetësisë Lukasz Szumowski për gazetarët nëpërmjet transmetuesit privat TVN. Mjekët kishin kryer një operacion që kishte zgjatur rreth 5 orë, ndaj Adamowicz, por pas kjo nuk e nxori atë nga rreziku për jetën, ndërsa zyrtarët polakë thanë se dita e funeralit të Adamowicz, do të shpallet një ditë zie kombëtare.
Pamjet televizive treguan mijëra njerëz që vinin për vigjilje përkujtimore, duke përfshirë edhe në Gdansk, bazën e lëvizjes së Solidaritetit të viteve 1980, që ishte i dobishëm për t’i dhënë fund sundimit komunist, si dhe në Poznan dhe kryeqytetin Varshavë.
Adamowicz u sulmua gjatë pjesëmarrjes në “Orkestrën e Madhe të Krishtlindjeve të Bamirësisë”, e cila mbledh para për pajisjet mjekësore në spitale. Kreu i bamirësisë dha dorëheqjen menjëherë pas vdekjes së 53-vjeçarit Adamowicz.
Pamjet televizive të sulmit treguan një burrë që bërtiste “Adamowicz është i vdekur!”, ndërsa ai nxitoi në skenë dhe e qëlloi me thikë kryebashkiakun, i cili u rrëzua menjëherë në dysheme.
