Zonja e parë Melania Trump tha në një intervistë të enjten, se ajo është një nga personat më të tallur nga njerëzit në botë. Kjo gjë që e ka nxitur atë të krijojë “Be best” kundër ngacmimeve dhe talljeve.
“Mund të them se unë jam personi më i prekur nga bullizmi në botë,” tha Trump për ABC News. Ajo foli në një intervistë gjatë udhëtimit të saj të parë të vetëm në Afrikë javën e kaluar kur u pyetën se çfarë e nxiti atë për të trajtuar çështjen e bullizmit.
“Ju jeni me të vërtetë personi më i prekur nga bullizmi në botë?” e pyeti gazetari i ABC News, Tom Llamas gjatë bisedës.
“Një prej tyre, nëse i shikon vërtëtë ato që njerëzit thonë për mua,” tha Melanie Trump.
E pyetur se si ngacmimi mund të prekë fëmijët, përfshirë edhe djalin e saj Barron, Trump tha se kjo është arsyeja pse iniciativa e saj është e përqendruar në mediat sociale dhe sjelljen në internet. Fëmijët duhet të edukohen që të dinë rreth fenomenit dhe të dinë që nuk janë vetëm kur të rriten.
Në intervistë Trump gjithashtu i tha ABC News se ende ka njerëz që punojnë në administratën Trump të cilëve Presidenti Donald Trump nuk iu beson.
Zonja e parë tha për ABC News se ajo e ka këshilluar burrin e saj se kujt ti besojë dhe kujt jo. Por burri i saj mbetet i pavarur në marrjen e vendimeve për personelin.
