Presidentja e Komisionit Europian, Von der Leyen ka mbërritur në Tiranë. Ajo është pritur nga kryeministri Edi Rama me ceremoni shtetërore në aeroportin “Nënë Tereza.”
Kjo vizitë e Von der Leyen vjen në kuadër të turit të vizitave që po zhvillon në Ballkanin Perëndimor. Më herët ajo ndodhej në Kosovë, ndërsa një ditë më parë, presidentja e KE-së ishte në Maqedoninë e Veriut. Pas vizitës në Tiranë, të premten Von der Leyen do të jetë në Bosnje Hercegovinë dhe Serbi.
Vizita e saj në Ballkan përmbyllet ditën e shtunë në Mal të Zi.
