Bota

Video/Trump duke kërcyer në tubim: Nëse fitoj, do i fal protestuesit e 6 janarit



Bëhu pjesë e Grupit Zyrtar të Opinion.al
>> KËTU <<
               Publikuar në : 15:02 - 30/01/22 |
Opi Nion

Ish-presidenti Donald Trump të shtunën hodhi tezën e një kandidature të mundshme presidenciale në vitin 2024 dhe tha se nëse do të zgjidhej sërish President i SHBA do të konsideronte faljen e atyre që u akuzuan në lidhje me sulmin e 6 janarit 2021 në Kapitol, teksa certifikohej fitorja e Joe Biden në Shtëpinë e Bardhë.

Komentet e Trump erdhën gjatë një mitingu të stilit të fushatës së tij në Teksas, ku nuk mungoi edhe kërcimi i tij i zakonshëm.

Në këtë tubim Trump u “ankua” për ndjekjet penale me të cilat janë përballur rebelët që mësynë në Kapitol për të ndërprerë numërimin e votave të Kolegjit Zgjedhor pasi ai humbi zgjedhjet e 2020.  Ai tha se rebelët po trajtohen në mënyrë  të padrejtë.

“Nëse garoj dhe fitoj, do t’i trajtojmë njerëzit e 6 janarit me ndershmëri”, tha Trump. “Do t’i trajtojmë ndershmërisht dhe nëse do të jetë nevoja edhe do t’i falim. Sepse po trajtohen në mënyrë kaq të padrejtë”, tha Trump.

Komentet e tij pasqyrojnë ndjenjën që po rritet midis republikanëve se protestuesit e Kapitolit duhet të falen dhe ngjarjet e asaj dite të harrohen, pasi komisioni i përzgjedhur i Dhomës së Përfaqësuesve që hetonte 6 janarin ka lëshuar një sërë thirrjesh për individë dhe organizata si pjesë e hetimit të tij dhe pritet të lëshojë një raport të përkohshëm mbi gjetjet këtë verë.

Disa nga aleatët e Trump në Kongres kanë kërkuar falje për rebelët. Guvernatori i Floridës, Ron DeSantis, një pretendent i mundshëm republikan për president të vitit 2024, kohët e fundit i quajti përkujtimet njëvjeçare të trazirave të Kapitolit si një përpjekje për të “njollosur” mbështetësit e Trump.

Sulmi në godinën e Kapitolit është konsideruar si më i keqi i ndodhur që prej Luftës së vitit 1812, kur godina u dogj nga anglezët.

Protestuesit ishin mbledhur aty pas deklaratave të Trump se zgjedhjet ishin vjedhur nga Biden./Opinion.al

Pas