-Jetë dhe Stil

Video/Titanic rrezikon të zhduket, çfarë ka mbetur në fund të detit


Bëhu pjesë e Grupit Zyrtar të Opinion.al
>> KËTU <<
               Publikuar në : 16:37 - 10/08/21 |
Opi Nion

Pas më shumë se njëqind vitesh në fund të detit, Titaniku rrezikon të zhduket përgjithmonë. Alarmi u ngrit nga ekipi i studiuesve nënujorë të Ocean Gate, të cilët njoftuan se rrënojat e anijes që u mbyt në vitin 1912 janë në një gjendje që po përkeqësohet me shpejtësi.

Kjo është arsyeja pse ata vendosën të kthehen në 3,800 metra thellësi, pas misionit të parë muajin e shkuar për të bërë disa fotografi dhe për të filmuar disa imazhe të anijes historike.

Videot e postuara nga grupi janë spektakolare. Në të parën, rreth 16 sekonda, shihet qartë një ballkon i klasit të parë; në të dytën prej 12 sekondash, shihet direku i harkut i cili u shemb disa vjet më parë. Më në fund, në videon e fundit 10 sekondëshe, filmohet telemotori i anijes, aty ku dikur ishte timoni.

OceanGate ka njoftuar se do të vazhdojë xhirimet e Titanikut në vitet e ardhshme, në mënyrë që të ndjekë hap pas hapi evolucionin e anijes më të famshme të oqeanit në histori, e cila udhëtoi nga Southampton në Nju Jork dhe në të cilën 1.500 njerëz humbën jetën pas përplasjes me një ajsberg./Opinion.al

Pas