Bota

COVID-19/ SHBA me një mesatare prej 100 mijë infeksionesh në ditë


Bëhu pjesë e Grupit Zyrtar të Opinion.al
>> KËTU <<
               Publikuar në : 16:45 - 10/08/21 |
Opi Nion

Shtetet e Bashkuara po shënojnë tashmë mesatarisht më shumë se 100,000 raste të reja me COVID-19 në ditë, shifra më e lartë që nga muaji shkurt kohë kur vaksinat që luftojnë virusin u vunë për herë të parë në dispozicion të publikut të gjerë.

Ekspertët e shëndetësisë thonë se rritja e numrit të infeksioneve ka ardhur për shkak të përhapjes së variantit më ngjitës të koronavirusit atij delta, si dhe rënies së kërkesës për vaksinim.

Sipas gazetës “New York Times” shumë nga rastet e reja me COVID-19 janë diagnostikuar tek fëmijët, në ato grupmosha që nuk kanë ende të drejtë të vaksinohen.

Ndërkohë Izraeli raportoi më shumë se 6,000 infeksione të reja me koronavirus të hënën, rritja më e lartë ditore që nga muaji shkurt.

Prej fundit të vitit të kaluar, Izraeli nisi një nga fushatat më të suksesshme të vaksinimit në botë, por javët e fundit ky vend po lufton me një rritje të rasteve të reja, të nxitura nga varianti delta.

Autoritetet kanë shtuar kufizimet në udhëtime dhe kanë rivendosur urdhrat për mbatjen e detyruar të maskave në ambiente të brendshme.

Më shumë se 85% e popullsisë në moshë të rritur në Izrael është vaksinuar plotësisht dhe autoritetet po u bëjnë thirrje tashmë personave mbi 60 vjeç që të marrin një dozë të tretë të vaksinës. Sipas ministrisë izraelite të Shëndetësisë 577,899 vetë kanë marrë një dozë përforcuese.

Të hënën autoritetet regjistruan 6,275 raste të reja me COVID, nga më shumë se 130,000 persona të testuar. Të dhënat e publikuara nga qeveria izraelite tregojnë se të pavaksinuarit, veçanërisht ata mbi 60 vjeç, kanë më shumë gjasa të sëmuren rëndë./ VOA

Pas