Bota

Video/Stuhi të fuqishme në Europë, 12 persona humbën jetën, mes tyre 3 fëmijë 



Bëhu pjesë e Grupit Zyrtar të Opinion.al
>> KËTU <<
               Publikuar në : 18:02 - 19/08/22 |
Opi Nion

Dymbëdhjetë persona, mes tyre dhe tre fëmijë kanë humbur jetën  si pasojë e stuhive të fuqishme që kanë  përfshirë zona të Evropës qendrore dhe jugore.

Vdekjet, shumica e të cilave u shkaktua nga rënia e pemëve, u raportuan në Itali dhe Austri dhe në ishullin francez të Korsikës. Shiu i dendur dhe erërat shkatërruan kampingjet në ishull, ndërsa edhe  në Venecia, stuhia shkaktoi shumë dëme.

Stuhitë pasojnë javë të të nxehtit dhe thatësirës në pjesën më të madhe të kontinentit. Në Korsikë, erërat që frynë deri në 224 km/h shkulën pemët dhe dëmtuan dhjetëra shtëpi.

Autoritetet atje thanë se një vajzë 13-vjeçare u vra nga një pemë që u rrëzua në një kamping. Një burrë po ashtu vdiq në një incident të ngjashëm dhe një grua 72-vjeçare u vra kur makina e saj u godit nga çatia e shkëputur e një shtëpie.

BBC shkruan se në Austri 5 persona humbën jetën si pasojë e rënies së pemëve.

Edhe në Itali, një burrë dhe një grua u vranë nga rrëzimi i pemëve në incidente të veçanta në rajonin e Toskanës.

Ndërsa në jug të vendit  vazhdoi vala e të nxehtit, me temperatura deri në 40 gradë Celsius të regjistruara në Siçili. Dhe përtej Detit Mesdhe në Algjeri, të paktën 38 njerëz kanë vdekur nga zjarret pyjore.

Shumë pjesë të Evropës kanë parë javë me mot jashtëzakonisht të nxehtë dhe të thatë.Ngjarjet ekstreme të motit, duke përfshirë valët e të nxehtit dhe stuhitë, janë bërë më intensive dhe më të shpeshta vitet e fundit për shkak të ndryshimeve klimatike të shkaktuara nga njerëzit.

Bota tashmë është ngrohur me rreth 1.1C që nga fillimi i epokës industriale dhe temperaturat do të vazhdojnë të rriten nëse qeveritë në mbarë botën nuk bëjnë shkurtime të mëdha të emetimeve të karbonit ./Opinion.al

 

 

 

Pas