Një sherr me lojtarin kundërshtar, mund t’i kishte kushtuar jetën, portierit të Paraguait, Jose Luis Chilavert. Ngjarja e pakëndshme ndodhi në vitin 1997, kohë në të cilën Paraguai priste Kolumbinë në një ndeshje kualifikuese të Botërorit “Francë ‘98”.
Gjatë ndeshjes Chilavert përfshihet në një sherr me sulmuesin kolumbian Faustino Asprillia, të cilin e godet me grusht në fytyrë. Më pas shpërthen kaosi dhe të dy lojtarët përjashtohen nga ndeshja.
Ndërkohë, në një rrëfim të bërë së fundmi nga ish-sulmuesi i Parma dhe Neëcastle, ka thënë se Chilavert i është rrezikuar jeta. Në një intervistë në një emision televiziv në vendlindje, Asprilla rrëfen se pas ndeshjes, një narkotrafikant i kërkoi autorizimin për të vrarë Chilavert.
“Ishin dy vrasës gati për të shkuar në Paraguai. Prisnin vetëm urdhrin për ta vrarë”, rrëfeu ish-sulmuesi. “Mos jeni çmendur”, kujton t’i ketë thënë ai, duke mos dhënë kurrë dritën jeshile. “Ajo që ndodh në fushë mbetet aty”./ Opinion.al
