Shpërthim në një pikë karburanti në lindje të Romës, ku kanë mbetur të plagosur 29 persona.
Raportohet gjithashtu se shpërthimi u pasua nga një zjarr i madh, ndërsa forcat e Departamentit të Zjarrfikësve, forca e policisë dhe vullnetarëve të mbrojtjes civile nxituan për në vendngjarje.
Stacioni më i afërt i metrosë Teano është mbyllur, nga ana tjetër raportohet se ndërtesat pranë shpërthimit kanë pësuar dëme.
Banorët të shqetësuar kanë lënë shtëpitë e tyre, ndërkohë që pohuan se para shpërthimit është ndjerë një erë e fortë gazi.
Sipas informacioneve paraprake të zjarrfikësve, incidenti ndodhi pak pas orës 08:00 dhe dyshohet se u shkaktua nga shkëputja e një pompe të cisternës që furnizonte pikën e karburantit.
