Subjekti Partia Demokratike – Aleanca për Shqipërinë Madhështore, i është drejtuar me një kërkesë për informacion kreut të Komisionit Qendror të Zgjedhjeve, Ilirjan Celibashi.
Në dokumentin e siguruar nga gazetari i Klan News, Enkel Xhangoli, PD-ja është ndalur në tre pika kryesore.
Sipas partisë opozitare, ka mungesë transparence për pamjet filmike në qendrat e votimit në çdo qark.
Së dyti, PD-ja thotë se nuk ka marrë informacion për kthimin e zarfeve të votave të diasporës.
Së treti, demokratët i rikthehen kërkesës së përsëritur për mbërritjen e zarfave me votat e diasporës nga kompania postare DHL, e që sipas subjektit politik, nuk kanë marrë asnjë informacion nga KQZ-ja.
