Noizy ka surprizuar sërish Arian Çanin gjatë transmetimit live ne emisionit Zonë e Lirë. Teksa disa javë më parë ai ka telefonuar Çanin live dhe ka përshëndetur ish kryeministrin Sali Berisha, këtë herë ka surprizuar sërish.
Ai ka ardhur në emisioni “Zonë e Lirë” pa e njoftuar Arian Çanin dhe është futur në studio, ndërkohë që i ftuar ka qenë boksieri Florian Marku i cili e ka treguar për ndeshjen e tij më të fundit dhe mbështetjen që ka marrë prej reperit.
Pikërisht në këtë moment është shfaqur papritur Noizy.
Arjan Çani: “Ti e di që unë ju them shpesh njerëzve gjithmonë “mos i besoni ekranit është një gënjeshtër, të gjithë bëjnë sikur”. Sepse ekrani nuk është për t’u marrë seriozisht, merreni pak si art, dhe njerëzit kujtojnë se unë bëj shaka. Në fakt është e vërtetë. Por kësaj radhe Noizy unë duhet të pranoj që është komplet një surprizë se nuk e dija që do vije”.
Ashtu siç ka bërë edhe herë të tjera kur është shfaqur papritur në ndeshjet e Florian Markut në Austri, kësaj radhe Noziy e ka surprizuar mikun e tij në studion e Çanit.
Noizy: “Gjëja kryesore është të kemi një publicitet të mirë, profesional dhe qëllimi ynë kryesor është që Floriani të hyjë në UFC. Por është një luftë, nuk është e lehtë”.
Kujtojmë se vite më parë edhe Noizy ka qenë boksier dhe ka një pëlqim tepër të madh për këtë sport./opinion.al
