Gara presidenciale e zhvilluar mes presidentit aktual, Donald Trump, dhe kundërshtarit të tij Joe Biden, duket shumë e fortë edhe tani që po vijon numërimi i votave në disa shtete.
Ndërkohë, një video e këshilltares shpirtërore të presidentit Donald Trump, Paula White është bërë virale në internet.
Ajo shihet teksa lutet për Trump që të fitojë sërish postin e Presidentit të SHBA-së.
Paola deklaron se beteja aktuale e zgjedhjeve në SHBA nuk është betejë politike, por një konflikt midis së Mirës dhe së Keqes.
“Jepi, jepi, jepi deri sa të arrijmë fitoren. Dua të dëgjojë tingullin e fitores”, thotë Paula White vazhdimisht në lutjen e saj.
Ndërkohë në SHBA vijon ende numërimi i votave, ku në avantazh është Joe Biden, i cili ka 264 vota elektorale, ndërsa Trump ka 214 vota./ Opinion.al
