Kryesore

Video/Kryeministri Rama takon kryebashkiaken e Berlinit, ja çfarë biseduan


Bëhu pjesë e Grupit Zyrtar të Opinion.al
>> KËTU <<
               Publikuar në : 14:36 - 11/04/22 |
Opi Nion

Kryeministri Edi Rama ndodhet në një vizitë në Gjermani, ku do të takohet edhe me kancelarin Olaf Scholz.

Ai e ka nisur këtë vizitë me kryetaren e Bashkisë së Berlinit, Franziska Giffey, duke startuar kështu takimet zyrtare në Gjermani.

Në një video të publikuar në rrjetin social “Facebook” të kryeministrit Rama duket se kryebashkiakja Giffey i ka bërë një guidë në godinën e Bashkisë dhe i ka treguar historinë e ndërtesës.

Gjatë kohës që po futeshin në ndërtesë, Rama i ka treguar kryebashkiakes gjermane se e kishte vizituar më parë Bashkinë e Berlinit, në kohën kur ai ka qenë kryebashkiak i Tiranës.

Kryeministri Rama më pas ka lënë edhe një mesazh në librin e shënimeve, ndërsa më pas ka shkëmbyer edhe dhuratat me kryebashkiaken Giffey.

Ashtu siç mund të shihni edhe në video, kryeministri i ka dhuruar asaj një palë këpucë tradicionale shqiptare në miniaturë të punuara në mënyrë artizanale./Opinion.al

Pas