Presidenti rus Vladimir Putin mori pjesë në meshën ortodokse të Krishtlindjeve në Katedralen e Ungjillit të Kremlinit në Moskë, siç bëjnë me dije agjencitë ruse.
Ndërkohë, patriarku i Moskës Kirill kremtoi liturgjinë në Katedralen e Krishtit Shpëtimtar në Moskë, raporton Ria Novosti.
Vitin e kaluar, thekson Tass, Putin mori pjesë në shërbimin e natës ortodokse të Krishtlindjes në Kishën e Imazhit të Shpëtimtarit, e vendosur në rezidencën e tij presidenciale në Novo-Ogaryovo, jashtë Moskës.
Media opozitare bjelloruse Nexta rilançoi në Twitter imazhet e mbrëmjes së sotme të TV rus Rossija 1, në të cilat shihet Putini, me një pulovër dhe xhaketë me jakë, i vetëm në një dhomë me priftin. Nexta nënvizon vetminë e presidentit “nga bunkeri i tij”. “Prifti është ndoshta një agjent i FSB-së”, ironizon postimi./Opinion.al
