Zëvendës Presidentja e SHBA-ve Kamala Harris mori të martën dozën e parë të vaksinës Moderna për COVID-19. Daily mail shkruan se zv/ Presidentja e SHBA u vaksinua pasi sfidoi Presidentin Donald Trump gjatë fushatës presidenciale lidhur me punën e administratës së tij për vaksinimet.
“Në rregull, le ta bëjmë”, tha ajo, ndërsa infermierja Patricia Cummings e Qendrës së Bashkuar Mjekësore tregoi gjilpërën. “Ishte e lehtë. Faleminderit. Mezi e ndjeva”, shtoi më pas Harris.
Kamala Harris u vaksinua në një qendër mjekësore në Juglindje të Uashingtonit, DC, e cila është shtëpia e disa komuniteteve minoritare.
Ajo bëri dozën e parë të vaksinës 8 ditë pasi presidenti i zgjedhur Joe Biden mori vaksinën Pfizer në Delaware më 21 dhjetor. Ekspertët shëndetësorë u kishin thënë atyre që të bënin vaksinat një javë larg njëri-tjetrit, në rast se ndonjë nga udhëheqësit e ardhshëm do të kishte efekte anësore.
Harris u pyet nga një reporter nëse ajo e mori vaksinën e saj në mënyrë që “të shuante” frikën dhe mosbesimin e këtij komuniteti. “Unë jam në Anacostia sot sepse, së pari, ne kemi ofrues fenomenalë të kujdesit shëndetësor si infermierja Patricia, të cilat i shërbejnë komunitetit tonë. Ne kemi spitale dhe qendra mjekësore, klinika si kjo në të gjithë vendin të cilët janë të trajnuar nga njerëz që e kuptojnë komunitetin, dhe që administrojnë gjithë vitin kujdesin shëndetësor”, u përgjigj Harris./Opinion.al
