Ish-deputeti i Partisë Demokratike Xhemal Gjunkshi ka bërë përgjegjëse firmën mirëmbajtëse të rrugës, për bllokimin e 13 fshatrave në Dibër, si pasojë e përmbytjeve nga reshjet.
Përmes një publikimi në rrjetet sociale, Gjunkshi sjell një video ku paraqet situatën në rrugë, ndërsa shprehet se firma që ka fituar tenderin e mirëmbajtjes nuk ka qenë e aftë ta menaxhojë.
“Firma “Alko Impex” e Arbër Abazit, e përkdheluara e qeverisë e paaftë të menaxhojë situatën. 13 fshatra të Zall Dardhës dhe Reçit prej dy ditësh qëndrojnë të izoluar.Ky është përroi i Lashkizës, i cili ka shkatërruar rrugën në hyrje të Zall Dardhës. Përroi ka mbushur me inerte tobinon dhe ka dalë sipër, duke gërryer rrugën dhe duke e bërë atë të pa kalueshme. Edhe pse ka dy ditë e dëmtuar, firma që ka mirëmbajtjen e rrugës ka dërguar një fadromë të vogël dhe ende nuk ka mundur të regullojë rrugën, dhe as ta bëjë të kalueshme atë”, shkruan Gjunkshi duke akuzuar favorizim ndaj firmës mirëmbajtëse.
“Kjo situatë nxori zbuluar dhe tregoi se kompania “Alko Impex” që ka marrë mirëmbajtjen e rrugës është favorizuar dhe ka marrë tenderin me vlerën maksimale, në mënyrë abuzive. Kjo situatë tregon se Rilindja favorizon kompani klienteliste, paguan më shtrenjtë edhe për punë që nuk kryhen. Zall Dardha, Reçi, Lura dhe gjithë Dibranët, janë lënë në mëshirë të fatit, të izoluar dhe të vjedhur me tendera korruptiv “alla/Rilindas”, përfundon ish-deputeti./Opinion.al
