Politikë

Paloka për përmbytjet: Nuk është dita që kryeministri të bëjë gaztorin


Bëhu pjesë e Grupit Zyrtar të Opinion.al
>> KËTU <<
               Publikuar në : 18:51 - 09/01/21 |
Opi Nion

Nënkryetari i Partisë Demokratike Edi Paloka,  i ka kërkuar Kryeministrit Rama t’u vijë në ndihmë banorëve të izoluar në zonat e përmbytura, ndërsa i ka cilësuar si propagandë, vizitat e tij në këto zona.

Paloka e ka cilësuar Ramën gaztor, ndërsa tha se qytetarët kanë nevojë për ndihma dhe jo për batuta bajate.

“Sot nuk është dita që kryeministri të bëjë gaztorin si zakonisht, por t’u vijë në ndihmë banorëve që janë izoluar, janë në vështirësi ekonomike apo kanë humbur gjithçka kishin, të mbjella dhe ushqim për bagëtinë nga përmbytjet. Për 8 vjet shqiptarët kanë provuar në kurrizin e tyre mashtrimet dhe gënjeshtrat e Edi Ramës që përballë varfërisë dhe pamundësisë në rritje të shqiptarëve ka prodhuar vetëm propagandë. Asnjë projekt në 3D nuk largon dot ujin nga shtëpitë dhe tokat e pëmbytura, nuk siguron ushqim për familjet në vështirësi apo kalimin në rrugët e shkatërruara nga përmbytjet. Ecejaket e Edi Ramës në zonat e përmbytura me cirkun shëtitës të propagandës nuk ndihmojnë askënd që sot ka nevojë për ndihmë dhe jo për batuta bajate”, shkruan Paloka në Facebook./Opinion.al

Pas