Video/ Fillon numërimi mbrapsht, edhe 100 ditë nga nisja e ‘Rusi 2018’

Presidenti i Rusisë, Vladimir Putin luan futboll me presidentin e FIFA-s, Gianni Infantino në Kremlin, 100 ditë përpara fillimit të Kupës së Botës, tregohet në videon e publikuar nga FIFA.
Kanë mbetur edhe plotë 100 ditë nga starti i Botërorit ‘Rusi 2018’ që do të zhvillohet këtë verë në Rusi.
Në videon e FIFA-s shfaqen legjendat e futbollit të 32 vendeve të ndryshme që marrin pjesë në Botëror duke xhungluar topin.
“Disa njerëz thjesht nuk mund të presin për shfaqjen më të madhe në tokë” shkruan FIFA në twitter.
Në video shihet qartë prezenca e presidentit të FIFA-s, Gianni Infantino dhe presidentit të Rusisë, Vladimir Putin duke luajtur futboll me njëri-tjetrin në zyrë.
Botërori ‘Rusi 2018’ do të nis në 14 qershor me ndeshjen midis Rusisë dhe Arabisë Saudite dhe do të mbyllet me finale e madhe të 15 korrikut në Moskë.