Aktualitet

Video/Drift me “BMW” në Shëngjin, kapet shoferi pasi postoi video në rrjetet sociale



Bëhu pjesë e Grupit Zyrtar të Opinion.al
>> KËTU <<
               Publikuar në : 14:19 - 23/08/22 |
Opi Nion

Një person, i cili kreu manovra të rrezikshme me makinë në kryqëzimin e Knallës në Shëngjin dhe më pas e postoi videon në rrjete sociale është gjobitur nga policia me 10.000 lekë të rinj.

Sipas policisë së Lezhës bëhet fjalë për shtetasin me inicialet Gj.N, i cili u shfaq në video duke kryer manovra të rrezikshme me automjet, dhe duke u bërë rrezik për aksidente për vete dhe përdoruesit e tjerë të rrugës.

Njoftimi i policisë

Kreu manovra të rrezikshme (drift) me automjet, në kryqëzim dhe më pas e postoi video-n në rrjete sociale, falë bashkëpunimit me qytetarët, identifikohet, kapet dhe ndëshkohet me masë administrative, drejtuesi i automjetit.

Shërbimet e Policisë Rrugore Lezhë, në bashkëpunim me shërbimet e Policisë Shëngjin, pas publikimit të një video-je në rrjetet sociale, në të cilën shfaqet një drejtues automjeti, në vendin e quajtur “Kryqëzimi i Knallës”, Shëngjin, duke kryer manovra të rrezikshme (drift) me automjet dhe duke u bërë burim aksidenti për vete dhe përdoruesit e tjerë të rrugës, falë veprimeve të shpejta dhe profesionale, si dhe falë bashkëpunimit të ngushtë me qytetarët, kanë bërë të mundur identifikimin dhe lokalizimin e automjetit që shfaqet në video, si dhe kapjen e drejtuesit të tij, shtetasit Gj. N.

Për kundërvajtjen e kryer, konkretisht për shkelje të nenit 139, pika 3, të Kodit Rrugor “Drejtuesi i mjetit nuk rregullon shpejtësinë në afërsi të kryqëzimeve duke u bërë rrezik për vete dhe për përdoruesit e tjerë të rrugës”, ndaj shtetasit Gj. N. u vendos masa administrative prej 10.000 lekësh të rinj.

Drejtoria Vendore e Policisë Lezhë falënderon qytetarët për besimin dhe i fton ata që të denoncojnë çdo rast të paligjshmërisë, në Komisariatin Dixhital apo në numrin pa pagesë 112, duke u siguruar reagim të shpejtë, profesional dhe të paanshëm.Gjithashtu, apelon për të gjithë përdoruesit e rrugës që të respektojnë rregullat e qarkullimit rrugor, me qëllim mbrojtjen e jetës dhe garantimin e rendit./Opinion.al

 

 

Pas