Kronikë

Video/3 thasë me kanabis në “Audi Q7”, arrestohet i riu në Fier, në kërkim bashkëpunëtori



Bëhu pjesë e Grupit Zyrtar të Opinion.al
>> KËTU <<
               Publikuar në : 11:16 - 21/12/22 |
Opi Nion

Një operacion policor për goditjen e veprimtarisë kriminale në fushën e narkotikëve, është zhvilluar nga Policia e Fierit në bashkëpunim me Forcën e Posaçme “Shqiponja”.

Bazuar dhe në inteligjencën informative se me një automjet po transportohej lëndë narkotike, është organizuar dhe finalizuar operacioni policor antidrogë i koduar “Hamil”.

Gjatë operacionit të zhvilluar mbrëmjen e djeshme, 2 shtetasit që po transportonin lëndën narkotike, me një automjet tip “Audi Q7″, pasi kanë parë që po ndiqeshin nga shërbimet e Policisë, kanë braktisur automjetin dhe janë larguar.

Gjatë ndjekjes nga Policia, në fshatin Hamil, u bë kapja dhe arrestimi në flagrancë i njërit prej tyre Armando Tërnova, 25 vjeç, banues në Fier.

Ndërsa pas kontrollit të automjetit që drejtohej nga shtetasi Nehat Rizvani, u gjetën dhe u sekuestruan 3 thasë me lëndë narkotike cannabis sativa, me peshë totale rreth 85 kg.

Në vijim të veprimeve hetimore, u shpall në kërkim Nehat Rizvani, banues në Hamil, i cili drejtonte automjetin në të cilin u gjet lënda narkotike.  Policia po punon për kapjen e tij.

Vijon puna për zbardhjen dhe dokumentimin e plotë ligjor të veprimtarisë kriminale të dy personave, identifikimin dhe vënien përpara përgjegjësisë ligjore të personave të tjerë të përfshirë.

Materialet i kaluan Prokurorisë pranë Gjykatës së Shkallës së Parë Fier, për veprën penale “Prodhimi dhe shitja e lëndëve narkotike”, kryer në bashkëpunim.

 

Pas