Një 35-vjeçar në Vlorë dyshohet se është vetëplagosur me armë zjarri në orët e para të mëngjesit të sotëm.
Sipas uniformave blu ngjarja ka ndodhur në lagjen “Pavarësia”, në apartamentin ku jetonte 35-vjeçari.
Pas ndihmës së parë mjekësore, i riu është transportuar për ndihmë të specializuar në Spitalin e Traumës.
“Rreth orës 04:10, në lagjen “Pavarësia”, në apartamentin ku jetonte, dyshohet se është vetëplagosur me armë zjarri pistoletë, shtetasi A. M., 35 vjeç.
Pas ndihmës së parë mjekësore, 35-vjeçari është transportuar për ndihmë të specializuar në Spitalin e Traumës.
Në cilësinë e provës materiale, u bë sekuestrimi i armës së zjarrit, pistoletë tip Glock, e cila u gjet në vendin e ngjarjes”, njofton policia.
Grupi hetimor, nën drejtimin e Prokurorisë, vijon veprimet për zbardhjen dhe dokumentimin e plotë të kësaj ngjarjeje./Opinion.al
