Bota

Veprime seksuale gjatë thirrjes në “Zoom”, pezullohet analisti në SHBA


Bëhu pjesë e Grupit Zyrtar të Opinion.al
>> KËTU <<
               Publikuar në : 20:51 - 20/10/20 |
Al Do

Një analist i njohur ligjor amerikan, Xhefri Tobin, është pezulluar nga revista “New Yorker” pas një incidenti në një thirrje me aplikacionin “Zoom”.

Xhefri Tobin është analisti kryesor ligjor i CNN por me intensifikimin e fushatës presidenciale në SHBA, ai është bërë i kërkuar në shumë media.

Incidenti, i raportuar për herë të parë nga “Vice News”, ndodhi gjatë një simulimi zgjedhor që përfshinte “New Yorker” dhe radio WNYC javën e kaluar.

Simulimi i zgjedhjeve përfshinte figura të shquara të Nju Jork-ut që viheshin në vendin e politikanëve, të tillë si Presidenti Donald Tramp dhe kandidati demokrat Xho Bajden. Tobin po përfaqësonte gjykatat.

“Vice” citon dy burime anonime që ishin në takim, sipas të cilave gjatë një pushimi, Tobin dukej se ishte në një thirrje tjetër në “Zoom” dhe u pa në kamera duke prekur organin e tij gjenital.

Tobin, në një deklaratë për “Vice”, tha: “Unë bëra një gabim të turpshëm, duke besuar se isha jashtë kamerës”.

Ai i kërkoi falje familjes, miqve dhe kolegëve të tij.

“Unë besoja se nuk isha i dukshëm në “Zoom”,” i tha ai “Vice”. “Mendova se askush në telefonatën e Zoom nuk mund të më shihte. Mendova se e kisha ndaluar videon e Zoom.”

“Xhefri Tobin është pezulluar ndërsa ne hetojmë çështjen,” tha “New Yorker”. /Opinion.al

Pas