Bota

VIDEO/ Tërmeti trondit Islandën, deputeti ikën me vrap nga parlamenti


Bëhu pjesë e Grupit Zyrtar të Opinion.al
>> KËTU <<
               Publikuar në : 21:31 - 20/10/20 |
Al Do

Të martën, një tërmet me madhësi 5.6 goditi Islandën jugperëndimore, duke tronditur ndërtesat në kryeqytetin, Reykjavik.

Islanda u godit këtë të martë nga një tërmet i fuqishëm 5.6 Rihter.

Epiqendra e lëkundjeve ishte në jugperëndim të ishullit ndërsa qytetarët në të gjithë vendin i ndjenë tronditjet.

Tërmeti, zgjati disa sekonda dhe u pasua nga disa tronditje. Fatmirësisht nuk ka raportime për lëndime në njerëz. Por ajo që u komentua më shumë ishte reagimi i kryeministres së vendit dhe një deputeti në parlament.

Në momentet e lëkundjeve, kryeministrja Kartin Jakobsdottir po intervistohej drejtpërdrejt në një lidhje direkte me “Washington Post”

Ajo u mundua të ruante qetësinë megjithëse në momentet e para u duk e friksuar nga tronditja e fortë.

Por e njejta gjë nuk mund të thuhet për një deputet të parlamentit islandez i cili ishte duke mbajtur fjalën në sallë. Sapo u ndje tërmeti ai shihet që vrapon menjëherë të dalë nga salla e Kuvendit. Pas tërmetit seanca u ndërpre për 15 minuta, deri në qetësimin e situatës./ Opinion.al

Pas