Aktualitet

Veliu te “Ligjet”/Opozita braktis mbledhjen:Keni sjell një analfabet,kriminel me uniformë



Bëhu pjesë e Grupit Zyrtar të Opinion.al
>> KËTU <<
               Publikuar në : 12:55 - 28/10/22 |
Opi Nion

Është shoqëruar me debate mbledhja e ditës së sotme në Komisionin e Sigurisë Kombëtare. I pranishëm në mbledhje ka qenë kreu i Agjencisë së Mbikëqyrjes Policore, Ardi Veliu, i cili do prezantonte projekt-buxhetin e vitit 2023, për institucionin që ai drejton, Agjencinë e Mbikqyrjes policore.

Prezenca e tij ka qenë shkak që deputeti i PD-së, Ervin Salianji të kërkojë shtyrjen e mbledhjes për një ditë tjetër, ndërsa Veliun e ka cilësuar analfabet dhe manipulues të ngjarjeve kriminale në vend.

“Vriten njerëz atje dhe doni të manipuloni ngjarje. Shtyni mbledhjen. Buxheti i shtetit, diskutim që s’mund të bëhet me këto lloj paçavuresh të këtij lloji. Të vijnë përfaqësues nga ministra që ta shpjegojnë. Është analfabet, më keq se ç’ka pasur letrën e dorëheqjes. Njerëz që nuk dinë as shkrim e as këndim. Na sillni drejtues që nuk dinë të shkruajnë. Kur ju vjen një drejtues me këto letra pranoni të rrini me kokën ulur. Për manipulime të ngjarjeve kriminale të ndodhura në këtë vend, duhet të nisë nga kjo. Kanë ndodhur manipulime të ngjarjeve kriminale në këtë vend. Nuk mund ta fshihni dot”, tha Salianji.

Nga ana tjetër, deputeti Flamur Noka tha se nuk mund të pranojnë në mbledhje kriminelë të veshur me uniformë që të flasë në emër të ligjit.

“Sot këtu është ulur një person, që në rast se do të kishte drejtësi, ky person do të ishte para drejtësisë. Është manipuluar ngjarja e Elbasanit dhe fakte dhe prova, vrasja e Klodian Rashës, u etiketua si armik, pa u bërë disa orë nga vrasja e Laer Kurtit vrapoi ky person që të manipulojë ngjarjen dhe ta shpallë kriminel të vdekurin, standardi juaj është që kriminelët ti bëni drejtor, krimit t’i jepni pushtet, ky nuk është standardi i shqiptarëve dhe opozitës dhe refuzojmë ta pranojmë një kriminel me uniformë të na raportojë në emër të ligjit, ai duhej të ishte viktimë e ligjit”, tha Noka.

Më pas opozita ka braktisur sallën, ndërsa kanë shtuar se Ardi Veliu duhet të përgjigjet për vrasjen e 32-vjeçarit Lear kurti./Opinion.al

Pas