Aktualitet

Rama: Do rrisim ndjeshëm gjobat për bizneset e mëdha për sjellje të kundraligjshme



Bëhu pjesë e Grupit Zyrtar të Opinion.al
>> KËTU <<
               Publikuar në : 13:06 - 28/10/22 |
Opi Nion

Në një takim me gratë dhe vajzat në Bulqizë kryeministri Edi Rama, tha se qeveria do rrisë gjobat për biznesin e madh. Teksa foli për mundësitë që qeveria i ka dhënë biznesit të vogël, kreu i qeverisë tha se gjobat do të vendosen për bizneset e mëdha për sjelljet e kundraligjshme.

Kryeministri theksoi se nëse bizneset e mëdha respektojnë ligjin nuk kanë pse paguajnë gjobë.

Është e vërtetë, ne do t’i rrisim në mënyrë të ndjeshme gjobat, por jo për biznesin e vogël. Biznesit të vogël ne i mbrojmë çmimin e energjisë, biznesit të vogël ne nuk i marrim taksa, thjesht i themi punëso, paguaj sigurimet për të punësuarit dhe kaq. Nuk i marrim taksa, nuk i marrim TVSH dhe nuk do t’i rrisim asnjë gjobë, por ama biznesit të madh po.

Gjobat nuk janë taksa, gjobat janë për sjellje të kundërligjshme. Mos u sill në mënyrë të kundërligjshme dhe s’ke pse paguan gjobë. Ama kur vihet gjoba, duhet të vihet tamam që të marrësh vesh mirë ti, të marrin vesh dhe të tjerët dhe këtë gjë na ka thënë edhe gjithë ai publik që kemi pyetur në Këshillimin Kombëtar, a duhen rritur gjobat për bizneset e mëdha? Po. Dhe ne do t’i rrisim gjobat për bizneset e mëdha që mos të bëjnë shmangie nga taksat sepse duke shmangur ata taksat dhe duke bërë lodra me faturat, ne kemi më pak të ardhura për të mbështetur ata që kanë më shumë nevojë”-tha Rama.

Pas