Një tjetër akuzë vjen për mjekët e spitalit të Durrësit nga familjarët e një foshnje 15 muajshe që ka ndrruar jetë në datën 28 mars të këtij viti. Edhe pse ky rast nuk është bërë publik më parë, familjarët kanë vendosur të bëjnë një denoncim publik për mjekët e spitalit pedriatik të qytetit të Durrësit. Sipas familjes Cuka, foshnja 15 muajshe ka ndërruar jetë në këtë spital si pasojë e neglizhencës së mjekëve. Gjyshi i fëmijës, Anastas Cuka ka akuzuar mjeët se kanë caktuar një dignozë të gabuar dhe si pasojë foshnja ka marrë mjekim të gabuar.
Sipas tij, foshnja u dignostikua me virozë stine, ndërkohë që kishte probleme urinare.
“E kemi çuar tre ditë rresht në spital, tre ditë mjekët nuk kryen vizita të imtësishme, vetëm sipërfaqësore. Mjekët na thanë se nuk ka gjë, mbajmë përgjegjësi ne për gjithçka, por djali vdiq në duart e tyre”,- tregon gjyshi.
