Aktualitet

Varhelyi: Meqë kryeministri e mirëpret opinionin e Venecias, le ta presë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:45 - 27/10/20 |
Al Do

Komisioneri evropian për Zgjerimin, Oliver Varhelyi këmbëngul që Kuvendi të presë opinionin e Venecias.

Rreth 24 orë pas reagimit të parë ku bëri thirrje që Kuvendi të presë opinionin e Komisionit të Venecias para rivotimit të ndryshimeve në Kodin Zgjedhor, komisioneri ka përsëritur thirrjen e tij në Twitter.

LEXO EDHE: Kodi Zgjedhor/ Komisioneri Varhelyi:Kuvendi të presë Komisionin e Venecias

Këtë herë ai i referohet reagimit të kryeministrit Rama, duke u shprehur se nëse ai e mirëpret opinionin e Venecias atëherë të presë daljen e tij para rivotimit.

“Kodi Zgjedhor në Shqipëril: Jam i lumtur që kryeministri mirëpret opinionin e Komisionit të Venecias mbi ndryshimet Kushtetuese të Korrikut. Prandaj do të ishte e udhës të presim që të dorëzohet para rivotimit në Parlament. Duke shpresuar për zgjedhje të lira dhe të ndershme në prill 2021.”, shkruan komisioneri në Twitter.

Reagimi i Varhelyit vjen pasi kryeministri Rama deklaroi ditën e djeshme se opinioni i Venecias është i mirëpritur por parlamenti do të rishprehet pa humbur asnjë ditë kohë. /Opinion.al

LEXO EDHE: “Prisni Venecian”, Rama i përgjigjet Varhelyit: Nuk do humbim asnjë ditë

Pas