Bota

Vala e dytë COVID-19, Kryeministri Çek i kërkon falje popullit


Bëhu pjesë e Grupit Zyrtar të Opinion.al
>> KËTU <<
               Publikuar në : 16:53 - 22/10/20 |
Opi Nion

Republika Çeke po kalon valën e dytë të pandemisë Covid-19. Situata paraqitet aq kritike saqë kryeministri, Andrej Babis, në një konference shtypi me gazetarët i kërkoi falje popullit, plot pesë herë.

CCN shkruan se Babis, pranoi se ai dhe qeveria e tij kishin gabime në mënyrën si kanë trajtuar shpërthimin e pandemisë teksa iu lut njerëzve që të ndiqnin rregullat e rrepta të bllokimit.

“Më vjen keq për kufizimet e reja që do të ndikojnë në jetën e pronarëve të bizneseve, qytetarëve, punonjësve. Më vjen keq, gjithashtu, që de facto përjashtova mundësinë që kjo të ndodhte sepse nuk mund ta imagjinoja që kjo do të ndodhte”, tha Babis.

Masat e reja çeke, të cilat hynë në fuqi, të enjten në mëngjes, përfshijnë kufizime në lëvizjen e lirë të njerëzve dhe mbylljen e shërbimeve dhe dyqaneve që nuk kanë funksion thelbësor. Po ashtu, të martën u miratua vendosja e detyrueshme e maskës mbrojtëse kudo brenda zonave urbane dhe në makina.

Për javë të tëra, kryeministri refuzoi të vendoste rregulla më të rrepta mbi popullin, duke përmendur nevojën për të mbrojtur ekonominë. Por vendimi, i cili në disa raste kundërshtonte mendimin e ekspertëve, ka çuar në një përhapje të gjerë të virusit.

Kombi prej 10 milionë qytetarësh po raporton tani më shumë raste të reja Covid-19 për 100,000 njerëz sesa çdo vend i madh në botë.

Republika Çeke u vlerësua për mënyrën si trajtoi valën e parë të pandemisë në pranverë kur qeveria vendosi një bllokim të hershëm dhe bëri maskat të detyrueshme në një kohë kur pjesa më e madhe e vendeve të Evropës perëndimore po shënonin shifra në rritje.

Këto masa të rrepta u hoqën gjatë verës, pasi qeveria besoi se kishte epideminë nën kontroll.“Sigurisht që kemi bërë gabime kur kemi menduar në fund të majit rihapjen” tha kryeministri i Republikës Çeke./ Opinion.al

 

 

 

 

Pas