Aktualitet

Vaksina anti-COVID në Shqipëri, Rama përsëri kritika BE-së


Bëhu pjesë e Grupit Zyrtar të Opinion.al
>> KËTU <<
               Publikuar në : 19:51 - 01/02/21 |
Opi Nion

Kryeministri Edi Rama, i shoqëruar nga ministrja e Shëndetësisë Ogerta Manastirliu dhe ministri i Rindërtimit, Arben Ahmetaj, ka zhvilluar një konferencë për mediat në lidhje me ardhjen e vaksinës anti-COVID-19 në Shqipëri.

Pak para se të mbërrijnë në vendin tonë vaksinat e para të Pfizer, kryeministri theksoi se këtë marrëveshje e ka arritur vetëm Shqipëria dhe Serbia, teksa tha se nga marrëveshja me COVAX ende nuk është e qartë se kur do të mund të mbërrijnë vaksinat anti-COVID.

Po ashtu, Rama nuk i kurseu dhe kritikat ndaj Bashkimit Europian, duke thënë se është në kaos.

“Ne kemi filluar vaksinimin me doza që kanë ardhur dhuratë nga një vend mik i BE-së, emrin e të cilit ende nuk mund t’ua komunikojë, ndërkohë që kemi kontratën e drejtpërdrejtë me Pfizer, ne Shqipëria dhe përveç nesh dhe Serbia, vendet e tjera siç po e ndiqni janë ende në një situatë pritshmërie në kushtet kur vaksina po komplikohet gjithnjë e më shumë dhe kur për këtë çështje Europa ka hyrë në një kaos, me jo vetëm BE, por edhe vende të tjera të mëdha që kërcënojnë me ndjekje në rrugë ligjore. I them për të mos harruar që sidoqoftë ne jemi në kushtet kur procesi i vaksinimit e kemi garantuar dhe do ta vazhdojmë falë faktit që nuk e lamë veten në dorë të të tjerëve, nuk pritëm COVAX, është ende në një proces që nuk duket se ku e ka fillimin. Jemi në kontakt, të vazhdueshëm, por edhe ata nuk janë të qartë dhe nuk japin një sinjal qartësi”,-tha Rama./ Opinion.al

Pas