Bota

Ushtria Ukrainase: Dy ushtarë u plagosën në luftimet në lindje të vendit



Bëhu pjesë e Grupit Zyrtar të Opinion.al
>> KËTU <<
               Publikuar në : 15:07 - 18/02/22 |
Opi Nion

Ushtria ukrainase thotë se dy ushtarë të saj janë plagosur si pasojë e “zjarrit të armikut” përgjatë vijës së frontit në Ukrainën lindore. CCN shkruan se të dy ushtarët janë në spital në gjendje të rëndë.

Thuhet se që nga ora 11:00. sipas kohës lokale (04:00 ET), separatistët e mbështetur nga Rusia kishin kryer 33 shkelje të armëpushimit, duke përfshirë 22 incidente në të cilat ata qëlluan me armë, edhe pse kjo gjë është e ndaluar nga Marrëveshjet e Minskut.

Lufta në Ukrainën lindore filloi në vitin 2014 dhe ka marrë jetën e më shumë se 14,000 njerëzve.  Zonat e Luhanskut lindor dhe Donetsk janë në duart e separatistëve të mbështetur nga Rusia.

Këto zona u bënë të njohura si Republika Popullore e Luhanskut (LPR) dhe Republika Popullore e Donetskut (DPR). Qeveria ukrainase në Kiev pohon se të dy rajonet janë në fakt të pushtuara nga Rusia. Republikat e vetëshpallura nuk njihen nga asnjë qeveri, përfshirë Rusinë. Qeveria ukrainase refuzon të bisedojë drejtpërdrejt me ndonjërën nga republikat separatiste./Opinion.al

Pas