Stresi është një simptomë nga e cila përftojmë shumë gjëra negative. Ai mund të na shtyjë të konsumojmë ushqime të shpejta dhe aspak të shëndetshme për organizmin tonë. Sipas dietologes së njohur Charlotte Watts, ka disa ushqime shumë të rëndësishme që na ndihmojnë të ulim nivelin e stresit dhe ato janë:
Frutat e pyllit
Manaferrat, boronicat, luleshtrydhet dhe të gjitha frutat e tjera të pyllit, ju mbrojnë nga mosplakja por në të njëjtën kohë ulin edhe nivelin e stresit në trupin tuaj. Ato ngrenë sasinë e sheqerit në trupin tuaj dhe për këtë fakt duhet ti konsumoni sa më shumë, sepse do të ndiheni të lumtur.
Kamomili
Një çaj kamomili ju qetëson dhe ju bën të ndiheni shumë të relaksuar. Një çaj kamomili qetëson sistemin tuaj nervor, ndaj mos harroni ta konsumoni veçanërisht në mbrëmje.
Çokollata e zezë
Nëse ndiheni fajtor që keni konsumuar një çokollatë, mos u ndjeni i tillë. 40 gram çokollatë në ditë është e këshillueshme, sepse lufton stresin.
Frutat e thata
Arrat, bajamet, lajthitë, etj janë një tjetër ushqim që ju ndihmon në uljen e stresit. Duke qenë së këto fruta përmbajnë vitaminën B, magnez dhe zink këta përbërs janë faktorët numër një për të luftuar stresin në organizmin tuaj.
