Aktualitet

Urimi me foton e Enver Hoxhës/ Debate te Siguria, Naço: Çelën e hoqa nga grupi


Bëhu pjesë e Grupit Zyrtar të Opinion.al
>> KËTU <<
               Publikuar në : 10:52 - 01/12/21 |
Opi Nion

Debate mes PS dhe PD ka patur në Komisionin e Sigurisë ku është folur për urimin e publikuar nga deputeti i PS-së, Bujar Çela me foton e Enver Hoxhës për festën e Pavarësisë.

Ka qenë Agron Gjekmarkaj, që në nisje të seancës ka deklaruar se ligjvënësi socialist ka provokuar historinë fatkeqe 45-vjeçare shqiptare. Ai i bëri thirrje kolegëve të tij socialistë që të distancohen dhe të mbajnë edhe një qëndrim kritik.

Nga ana e tij, deputeti socialist, Petro Koçi u shpreh se PS është distancuar  prej kohësh nga diktatura komuniste.

Ndrëkohë Deputeti i PD, Ervin Salianji i kërkoi Koçit të kërkonte falje për këtë rast ndërsa, ky i fundit tha se e ka fshirë deoutetin nga grupi i WhatsApp.

Diskutimet në Komision

Agron Gjekmarkaj: Ne si Komision i Medias duhet të mbajmë një qëndrim për deputetin e Lushnjës, që pas 30 vitesh ka provokuar historinë 45 vjeçare fatkeqe të vendit tonë duke revokuar diktatorin Enver Hoxha në ditën e Çlirimit. Shpresoj dhe kolegët socialistë të kenë një qëndrim kritik, por është në të drejtën e gjithsecilit të ketë qëndrimin që do vetë.

Petro Koçi: Lidhur me mesazhin e Bujar Çelës, mendoj që PS është e distancuar qartë nga periudha e diktaturës së proletariatit, ka qenë një periudhë e vetëdeklaruar si e tillë. Kuptohet që në krye të kësaj diktature ka qenë diktatori Enver Hoxha. Në lidhje me luftën ka një taktike që lidhin luftën me pas luftën. Mendoj se LANC-i i ka bërë nder Shqipërisë, na rreshtoi ne në krahun e fitueseve, ka përcaktuar edhe shpëtimin e trojeve të Shqipërisë pas luftës. Lufta nuk është parlament si ky i yni, me fjalë. Lufta ka parlamentin e saj me armë. Në luftë ka edhe viktima.  PS është distancuar prerazi, ashtu siç  ka bërë edhe rivlerësim të kohës së Ahmet Zogut për dimensionin e tij shtetërore që ka patur shumë dritë hije.

Agron Gjekmarkaj: Sigurisht ne nuk shkarkojmë askënd, por ne mbajmë qëndrime, qëndrimet i mbajmë siç i ka mbajtur gjithë Evropa Lindore dhe Perëndimore qoftë për kriminelët e luftës qoftë për ato të diktaturës  është e drejta jonë të mbajmë qëndrim dhe këto qëndrime na çojnë në faktin që Enver Hoxha ka qenë tiran dhe kriminel që i ka shkaktuar vendit gjakderdhje. Sa i takon mbretit, nuk dua të hyj në polemike, por në 7 prill rezistencën e bëri ushtria e shqiptare mbretërore. Mujo Ulqinaku ishte kapter i ushtrisë së Zogut dhe Abaz Kupi ishte komandanti që organizoi mbrojtjen aq as mundi.

Ervin Salianji: Të distancoheni për fyerjet e viktimave të komunizmit. Duhet të kërkoni ndjesë fillimisht dhe më pas vazhdojmë me rendin e ditës. A keni ju distancim apo ndjesë si kryetar?

Nasip Naço: Kam tentuar për të fshirë komentet që ishin bërë, nuk kam mundur. Më pas e kam fshirë nga grupi. Do të thirret nga Këshilli i Etikës dhe më pas do të shikohet çfarë do të ndodh.

Mesazhet u shkëmbyen në grupin e përbashkët të këtij Komisioni dhe u bënë virale në media.

 

 

 

 

Pas