Rajoni

U zgjodh presidente, Osmani: Është dita e Kosovës


Bëhu pjesë e Grupit Zyrtar të Opinion.al
>> KËTU <<
               Publikuar në : 20:19 - 04/04/21 |
Opi Nion

Sot Kuvendi i Kosovës zgjodhi presidente Vjosa Osmani. Pas betimit Osmani ka mbajtur edhe një fjalim para të pranishmëve në sallën e Kuvendit.

Ajo tha se sot është dita e Kosovës dhe e qytetarëve të saj, teksa u zotua se do të punonte për forcimin e shtetit të Kosovës.

“Është nder i madh që me betimin tuaj edhe vullnetin e qytetarëve t’u drejtohem në cilësinë e presidentes së zgjedhur. Dashuria për Kosovën vendin tonë dhe bashkëvendësit tanë, ka qenë motivimi më i madh i jetës sime politike dhe do vazhdoj të jetë. Sot është dita e Kosovës, është dita juaj, e qytetarëve. Është dita në të cilën dëshmojmë se me vendosmëri ne dimë t’i përballojmë sfidat. Sot Kosova e zgjodhi edhe njëherë një presidente grua dhe vajzat e vogla nuk duhet ta harrojnë këtë. Vajzat e kanë vendin aty ku dëshirojnë, aty ku punojnë fort e me zell. Bashkë që të gjithë ne e kemi kthyer dhimbjen në fuqi. Ta kujtojmë rolin e arkitektit tonë të shtetit presidentit Ibrahim Rugova. Të kujtojmë sakrificën e komandantit legjendar, Adem Jasharit dhe të gjithë të rënëve për liri”, shtoi Osmani.

Vjosa Osmani zyrtarisht është zgjedhur presidente e Republikës së Kosovës. Në raundin e tretë, kanë marrë pjesë 82 deputetë, ku Vjosa Osmani Osmani ka arritur të marr 71 vota, kundërshtari i saj Nasuf Bejta asnjë votë dhe 11 vota të pavlefshme.

Pjesë nga fjala e Osmanit

“I nderuar kryetar i Kuvendit, zoti kryeministër Kurti, deputetë të legjislaturës së 8-ë. Përfaqësues të vendeve mike, miq që nuk na u ndatë. Faleminderit për durimin dhe pjesëmarrjen. Është nder i madh për mua që me bekimin tuaj dhe vullnetin e qytetarëve t’iu drejtohem nga foltorja e këtij Kuvendi në cilësinë e Presidentes më të re të vendit tonë.

Vullneti juaj i shprehur me 14 shkurt, më veshi njëkohësisht me përgjegjësi. Dashuria për Kosovën, ka qenë motivimi më i madh për jetën politike. Sot është dita e Kosovës, është dita juaj, është ditë në të cilën vullneti juaj i shprehur me 14 shkurt po plotësohet dhe institucionet po konstituohet. Është dita e Kosovës sepse të personazhet që ju zgjodhët, po demonstrojnë një nivel të lartë demokracie. Dëshmojmë edhe njëherë, që me urtësi dhe vendosmëri dimë ti përballojmë sfidat dhe ti japim kuptim.

Vendosmëria për të rritur ëndërr që po jetësohet. Sot Kosova zgjodhi edhe njëherë një Presidente grua. Shpresoj ta mbani ndërmend këtë që po ndodh tani. Vajzat e kanë vendin aty ku ëndërrojnë, e aty ku punojnë me zell. Përfaqësimi i qeverisë tonë nga gra, është shembull që duhet ndjekur edhe nga vende më të zhvilluara. Nuk kemi nevojë të shohim përtej kësaj salle, për të kujtuar vuajtjet e tmerrshme të vendit tonë dhe sakrificat e shumta që kaluam. Historia jonë është dhe historia e njerëzve përfaqësues në këtë sallë. Është historia e seksuale e dhunës që është bërë në Kosovë. Zonja Krasniqi është simbol i forcës sonë.

Në mendjen e zemrën e çdo kosovari do të kultivohet respekti dhe mirënjohja e thellë. Si drejtuese e institucionit më të lartë, shfrytëzoj rastin të ftoj të gjithë politikanët e këtij vendi që të ndërtojmë mirëkuptimin ndaj njëri tjetrit, bashkëpunimin me qeverinë e Kosovës dhe gjithë përfaqësuesit e qytetarëve në Kuvend. Duhet të sigurohemi që Kosova është vendi i qytetarëve të saj.

Paqja do të arrihet vetëm kur të ketë pendesë nga Serbia, kur të kërkohet falje nga ajo. Sfidat janë të shumta, veçanërisht ajo me pandeminë. Prandaj le ti qëndrojmë pranë njëri-tjetrit. Fitorja dhe suksesi do të jenë të përbashkët dhe vetëm të bashkuar do ta bëjmë të mundur. Kemi humbur shumë jetë njerëzish dhe të tjera mund të humbim. Do t’ja dalim vetëm kur të qëndrojmë të bashkuar. Do të jem sy për të identifikuar vendndodhjen tuaj dhe vesh për të dëgjuar nevojat tuaja. Kosovën duhet ta bëjmë më të fortë se është mëmëdheu ynë. Si presidente, do të sigurohem që interesi ynë nacional të jetë mbi të gjitha. Të gjithë jemi në shërbim të Kosovës”, tha Osmani.

Pas