Rajoni

Osmani presidente, Haradinaj: Lufta për demokraci fillon sonte


Bëhu pjesë e Grupit Zyrtar të Opinion.al
>> KËTU <<
               Publikuar në : 20:34 - 04/04/21 |
Opi Nion

Ish-kryeministri Ramush Haradinaj ka reaguar pas zgjedhjes së Vjosa Osmanit në postin e Presidentes së Kosovës.

Përmes një postimi në rrjetet sociale, Haradinaj thotë se Osmani u zgjodh në postin e presidentes me vota të “kontrabanduara” dhe se deputetët janë përfshirë në pazare.

Ai thotë se “lufta për demokraci fillon sot”, dhe se do të vijojë të mbrojë Kushtetutën e Kosovës.

Postimi i Haradinajt

Sot pas zgjedhjes së znj. Osmani-Sadriu për Presidente të Kosovës, Aleanca qëndron faqebardhë në ruajtjen e sistemit kushtetues së demokracisë republikane.

Votat e kontrabanduara në këtë proces tregojnë se Vetëvendosje dhe Guxo nuk guxojnë. Sistemi njëpartiak dhe i kapur sapo filloi. Aleanca do të jetë zë i ndërgjegjjes së popullit, shtyllë kushtetuese dhe mbrojtëse e ekonomisë së tregut të lirë.

Urime deputetëve që morën pjesë duke i përfshirë edhe ata të pazarit të natës që lan parimet për përfitime të atypëratyshme.

Lufta për demokraci fillon sonte. Ftoj politikanët dhe qytetarët e vullnetit të mirë të mbrojmë së bashku vlerat e Kushtetutës dhe shtetit të lindur nga gjaku i lirisë!/ Opinion.al

Pas