Kronikë

U vra në Lushnje, lidhja e Bledar Muçës me anëtarin e bandës së rrezikshme


Bëhu pjesë e Grupit Zyrtar të Opinion.al
>> KËTU <<
               Publikuar në : 10:05 - 24/08/21 |
Opi Nion

Bledar Muça, 40-vjeç, pronar i disa lokaleve në Lushnje, mbeti i vrarë mbrëmjen e djeshme në Lushnje. Ai ndodhej i ulur në tavolinë duke pirë kafe me kunatin e tij Judin Velo, kur autorët, të cilët lëviznin me makinë hapën zjarr në drejtim të tij, duke e lënë të vdekur.

Mësohet se deri tani lidhur me ngjarjen janë shoqëruar mbi 20 në komisariatin e Lushnjes për verifikime.

Sipas news 24, pista e parë hetimore e këtij atentati është lidhja fisnore që ka Muça me Roland Shytin, anëtarin e bandës “Hakmarrje për Drejtësi”. Muça rezulton i martuar me mbesën e Shytit dhe përveç kësaj lidhje fisnore kanë dhe lidhje të forta miqësie.

Nuk përjashtohet edhe një pistë tjetër e cila i përket konflikteve për bizneset, por kjo e fundit pritet të verifikohet.

Ndërkohë nga atentati ngelën të plagosur dhe 5 persona, por të gjithë jashtë rrezikut për jetën. Më rëndë është Judin Velo, kunati i Muçës pasi ndodhej në të njëjtën tavolinë kur ndodhi atentati dhe është dërguar në spitalin e Traumës.

4 të tjerët të cilit ishin në tavolinë tjetër si klientë të rastësishëm pa asnjë lidhje me viktimën u plagosën gjithashtu dhe ndodhen në spital.

Ngjarja e rëndë ndodhi rreth orës 22:00, në një kohë kur në zonë kishte shumë qytetarë. Makina e cila dyshohet se u përdor prej tyre për të kryer atentatin, u gjet nga policia rreth 1 orë e gjysmë pas ngjarjes, në fshatin Thanasaj.  Automjeti ishte shkrumbuar plotësisht ndërsa brenda tij u gjetën 2 kallashnikovë./Opinion.al

 

Pas