Kronikë

U vra në Greqi, 39-vjeçari shantazhonte pronarët e “shtëpive të kuqe” në Athinë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:15 - 05/10/21 |
Opi Nion

Të tjera detaje janë zbardhur lidhur me vrasjen e 39-vjeçarit shqiptar në Athinë. Dikenc Halili nga Tepelena, i cili dy ditë më parë u ekzekutua në lokalin në pronësi të tij në lagjen “Agios Panteleimon”, ka qenë person me precedent të mëparshëm penal dhe i njohur për autoritetet greke.

Në vitin 2010, atij i ishte bërë në atentat me tritol në makinë. Në automjetin BMË X5 të 39-vjeçarit shpërtheu eksplozivi në lagjen “Metaxourgeio” më 17 Prill 2010, duke dëmtuar pjesën e përparme të fuoristradës. Shpërthimi ishte aq i fortë sa theu edhe xhamat e dyqaneve aty pranë.

Në këtë atentat nuk pati viktima, Halili dhe një grua që ndodhej në sedijen e pasagjerit arritën të shpëtonin. Në periudhën 2011-2012, Dikenc Halili ishte akuzuar për pjesëmarrje në organizatë kriminale, anëtarët e së cilës kërcënonin pronarët e “shtëpive të kuqe” (siç njihen në Greqi) në Athinë për t’u zhvatur para.

Nëse pronarët nuk shantazhoheshin, ai u vendoste zjarrin bordellove, raporton e përditshmja greke “Kathimerini”. Të gjitha këto veprime të tij dhe e shkuara e 39-vjeçarit shqiptar janë të dokumentuara në dosjet e policisë greke.

Dikenc Halili, i njohur edhe me emrin Keli, ka qenë i përfshirë edhe në rastet e trafikut të drogës në shtetin fqinj. Hetuesit grekë besojnë se vrasja e tij ka të bëjë pikërisht me larjen e hesapeve për shkak të së shkuarës së 39-vjeçarit.

Shqiptari ka qenë në lokalin e tij pasditen e 3 Tetorit 2021 duke folur në telefon kur një person i paidentifikuar iu afrua dhe qëlloi në drejtim të tij 8 herë me armë.

39-vjeçari u dërgua i plagosur në spital, por ndërroi jetë për shkak të plagëve të shumta. Ai kishte 1 plumb në kokë, 2 në bark dhe 1 në shpatull. Autori i vrasjes u arratis me makinë pas krimit. 

Pas