Kronikë

U vra në “Astir”/ Mihasi ishte kthyer në rrugën e zotit, frekuentonte xhaminë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:25 - 14/11/21 |
Opi Nion

Erigers Mihasi, 32-vjeçari që mbeti i vrarë së bashku me shokun e tij, Armando Dumani, mbrëmjen e djeshme në “Astir”, kishte pak kohë që frekuentonte xhaminë.

Faqja në Facebook “Xhamitë e Tiranës” me anë të një postimi, shkruan se Mihasi kishte vendosur t’i kthehej rrugës së zotit.

32-vjeç, i cili dyshohet se ka qenë i përfshirë në disa krime, kishte menduar që të linte pas të kaluarën e tij të errët dhe ti përkushtohej besimit islam.

 “Te Zotit jemi dhe vetëm tek Ai një ditë padyshim do të kthehemi! Mbrëmë ia dorëzoi shpirtin Krijuesit të tij Erigers Mihasi i cili u vra në një atentat tek Astiri bashkë me shokun e tij. Erigersi sapo kishte filluar të frekuentonte xhaminë duke ju kthyer rrugës së Zotit dhe duke lënë pas tij të kaluarën e errët, mirëpo deshi Allahu ta merrte nga kjo botë. Namazi i Xhenazes do të falet sot në varrezat e Sharrës në orën 14:30. Të gjithë njerëzit janë gabimtarë, po më i miri prej tyre është ai që pendohet te Zoti i tij. Zoti ia pastë pranuar sakrificën për t’iu kthyer rrugës së mbarë, Zoti ju dhëntë durim familjarëve të tij”, shkruhet në njoftimin e Xhamisë së Tiranës.

Mihasi dyshohet se ka marrë pjesë në vrasjen e ish-policit Xhelal Reçi, ngjarje e ndodhur disa javë më parë në Laç. Mësohet se ai ka qenë nën përgjim nga prokuroria ndërkohë që ende nuk ishte ngritur asnjë akuzë ndaj tij.

Po ashtu Mihasi, akuzohej se ka grabitur nën kërcënimin e armës banesën e prindërve të Elton Çiços në Tepelenë, ndërsa dyshohej se ishte bashkëpunëtor në sulmin me armë ndaj kompleksit “Eiffel”./ Opinion.al

Pas