I pyetur nëse marrëveshja e 5 qershorit është shkelur pas votimit të ndryshimeve Kushtetuese në Kuvend ditën e hënë, Komisioneri evropian për Zgjerimin ka deklaruar se ato nuk ndalojnë formimin e koalicioneve paszgjedhore.
Ai tha gjatë konferencës për shtyp me kryeministrin Rama se ndryshimet e votuara do të shihen me mendje të hapur pikërisht pasi nuk pengojnë koalicionet paszgjedhore.
“Sa i përket reformës ne jemi duke analizuar atë që u votua në Kuvend. Por ajo që mund të them duke u bazuar te debati politik që është bërë gjatë procesit të votimit në Kuvend është që ka të bëjë me një çështje. Për aq kohë sa koalicionet paszgjedhore nuk parandalohen, pra që lejohen me anë të reformave atëherë ne mund ta shikojmë këtë ligj me mendje të hapur por nuk mund të kufizojmë të drejtën e të zgjedhurve për të formuar koalicione.”, tha Varhelyi.
Komisioneri vlerësoi ndër të tjera marrëveshjen e 5 qershorit dhe u shpreh se në bazë të saj shpresoj “të kemi të gjithë partitë pjesëmarrëse në zgjedhje.”. /Opinion.al
